Modalitate guztietarako gutxienez 16 urte edukitzea beharrezkoa da (18 urtetik beherakoek guraso edo tutoreen baimena edukitzea beharrezkoa da). Ikastaroa egin behar duen pertsonaren pisua 45kg eta 90kg tartekoa izan behar da. Erorketa askeko ikastaro bizkorraren metodoa honako hau da:

-Alde teorikoa: 5-etik 8 ordu-arteko  ikastaro teorikoa.

-Alde praktikoa: Aireratze gunetik 3500-4000metro artean egindako zazpi maila praktiko ezberdin.  Lehenengo hiru mailatan ikasleak bi irakaslerekin batera egingo du jauzia. Berauek ikaslea heltzen dute eta aurretiaz finkaturiko keinuen bidez erorketa askea modu egokian egiten irakasten diote ikasleari. Laugarren mailatik aurrera irakasle batekin egingo du jauzia ikasleak. Maila guztiak bideo bidez filmatzen dira (modu honetan egindako lanaren aztertze sakon eta eraginkor bat egin daiteke, honela ikasleak aurrera egite arinago bat izango du).

Mailaren bat edo batzuk errepikatu behar izan ezkero, ikastaroaren prezioak gora egiten du maila bakoitzaren prezioaren arabera (Beherago zehazten da maila bakoitzaren prezioa).

Ikastaroa egiteko ordaindutako diruak berau aurrera eramateko behar den guztia barne hartzen du: Ikaslearen federazioko lizentzia hiru hilabeteko balioarekin, testua, jauzien liburuxka, alde teorikoa, alde praktikoa (3500-4000metrotik erorketa askeko zazpi jauzi, lehenengo hirurak 2 irakaslerekin eta gainontzeko laurak irakasle batekin), materialaren erabilpena, ikastaroa amaitua izan dela esaten duen ziurtagiria eta beroni dagokion titulua, etab. Beharrezkoa den material guztia guk ipintzen dugu noski. Federazioko lizentziak istripu eta erantzukizun zibil aseguru bat barne ditu. Mailaren bat edo batzuk errepikatu behar izan ezkero hauek aparte kobratuko dira, ondoko prezioen arabera: